طريقة عمل الدجاج الناجتس في المنزل بالصور
هنقدم لكم طريقة عمل احلى وأروع دجاج ناجتس في المنزل بخطوات سهلة وبسيطة من أجل صحة اولادك واسرتك
المقادير :
- كيلو من الوراك المخلية اللي بنعمل بيها الشيش طاووق و لو عوزة صدور فراخ برحتك
- معلقة صغيرة بصل بودر
- معلقة صغيرة ثوم بودر
- بطاطس حجم متوسط مسلوقة و مهروسة و عليها معلقة صغيرة من اللبن.
- معلقتين كبار من البقسماط الناعم
- ملح وفلفل
الطريقة :
- قطعي الدجاج قطع صغيرة لو كانت متقطعة قطع كبيرة
- حطى كل المقادير المذكورة سابقاً دى مع الدجاج فى الكبة أو المفرمة ، و معندكيش ولا كبة ولا مفرمة يبقى هاتى صدور الدجاج و قطعيها مكعبات و تبليها بالملح و الفلفل و الثوم و البصل البودر .مشى حالك يعنى المهم اعملى الأكل النضيف فى البيت عشان الاولاد
-
بعد ما ضربناهم و عجناهم حطيهم فى طبق بقى . لو حستيها بتلزق معاكى زودى ملعقتين بقسماط.
- لو عندك قطاعات فى البيت حطى جواها عجينة الدجاج الناجتس عشان تعملى بيها أشكال. لو معندكيش مش مهم كوريهم أو اعمليهم صوابع
- حطيهم فى التلاجة أو الفريزر 10 دقايق تتماسك بس شوية.
- هاتى بقى قسماط ناعم و دقيق و ملح و فلفل و بصل بودر و ثوم بودر و معلقة صغيرة اوى من البابريكا و معلقة صغيرة اوى من الزنجبيل. لو معندكيش كل الهرى الفات دة ولا يهمك حطى ملح و فلفل و خلاص على الدقيق و البقسماط
- بعد ما تقلبيها كلهم فى بعض حطيهم فى كيس بلاستك. عشان يكون أسهل و متبهدليش الدنيا حوليكى
- اضربى بيضتين أو تلاتة مع ملح و فلفل
- هاتى بقى الناجتس من التلاجة عشان نديها دش
- حطيها الأول فى الدقيق و البقسماط الأول
- احدفيها فى البيض
- طلعيها من البيض و حطيها تانى فى الدقيق بالقسماط و بس
- خلصناهم رجعيهم التلاجة تانى
- سبتها 10 دقايق فى التلاجة و طلعتها بقى عشان يتحمروا
- اتحمرت على الوشيين و بقى لونها ذهبى
- وبالهنا والشفا