أمثال من حكايات جدتي المصرية

اشتهرت في مصر ومعظم الدول العربية منذ قديم الازل الكثير من الامثال الشعبية المتداولة بين الناس . ونتناول في هذا المقال الكثير من الامثال الشعبية التي اشتهرت في مصر سواء في الماضي او المستخدمة حاليا في الشارع المصري ، والتي في الغالب قام بتاليفها الجدة الكبيرة نتيجة خبرتها في الحياة ومرورها بتجارب كثيرة ومخلطاتها لكثير من البشر .

امثال شعبية مصرية قديمة :

عتاب الندل اجتنابه
ولا ترقع فى الدايب ولا تعتب على العايب
الي الدنيا علمته مش زي الي امة مرجحتة
كل ديك يزعق من حصلتو
ولا تصبح ولا تتني …تعيش طول عمرك متهني
الملح داب والعيش اكلته الكلاب
لا تصاحب الاهبل ولا تخلي الاهبل يصاحبك
ربنا مش هيديك حمل تقيل الا لما يكون عندك كتف يشيل
آكل فول و أخرج قفاي عرض و طول و لا آكل كباب ووقفة الديانة ورا الباب
طول ما الحمار ساكت العربجي هيفضل يزود في الحمولة

امسح مكياج صاحْبِتَك تلاقي سيد .. إبن عمتك
الــعيـلة اللــى مفيهاش صــايـع .. حــقها ضــايع
اللي طلع القرد على الشجرة يعرف ينزله

ابو جعران في بيته سلطان !!

البطيخة اللي متفتحتش .. شبعت تخبيط
عدوك العاقل،ولا حبيبك العبيط.

علي رأي المثل ,, حسدوا الغجر على ضل الشجر
متعرفش قيمة امك غير لما تجرب مرات ابوك
صاحب الدار على مهله والشحات خرج عقله
اللي ياكل حلوتها يتحمل مرتها
اللي ياكل ببلاش ما يشبعش
الخسارة تعلم الشطارة
أعمى ويقول شفت بعيني

ان دبلت الوردة ريحتها فيها
البيضة ماتكسرش الحجر
بنت الفارة حفارة
تقرا مزاميرك على مين يا داود
جالك الموت يا تارك الصلاة
اللي نجمه خفيف أو محسود يلبس اللباس بالمقلوب
اتفشخر بعشة من حر مالك …مش بفيلا بتاع بنت خالك
مكنش انعذر ولا باع جزر ولا اللي آسف و اعتذر
ان كان جارك فى خير افرح له و ان ما جالكش منه يكفيك شره
البقرة لما تقع تكتر سكاكينها
اصرف ما في الجيب، يأتيك ما في الغيب.
.
من غربل الناس، نخلوه.

مش كل من لبس العمامة يزينها، ولا كل من ركب الحصان خيَّال

الكلب في بيته سبع

الديك الفصيح من البيضة يصيح
ضربة المعلم بألف
خبطتين في الراس توجع
خالف تُعرف
الحزن يعلم البكا، والفرح يعلم الزغاريد
اتغدى بيه قبل ما يتعشى بيا
ابن الوز عوام

كل واحد ينام على الجنب اللي يريحه
نار جوزي، ولا جنة أبويا
تراب الغلة غلة
خف رجلك ترزق
ياما جاب الغراب لأمه
امشي عدل يحتار عدوك فيك
النار ما تحرقش اللا اللى كابشها
عدس بترابه وكله بحسابه
انت جيت ولا الهوى جابك
“اللي تعرف ديّته اقتله
ادلعي يا فحلة الزريبة وحلة
ياما الهدوم بتداري
كيهك نهارك مساك تصحى الصبح تدور على عشاك
لا تأمن الأمير إذا غشّك الوزير
بخت العفنة بالحفنة وبخت الشطار شمّر وطار
اللى ما يقدر للمهره و عليقها يميل من طريقها
كذب مستف ولا صدق منعكش

“يادى الشيلة ويادي الحطة، روحنا على جمل وجينا على قطة”
اللي يكتر في العين تجزعه النفس
أكل العيش يحب الخفية

الحاجه اللي خايف تخسرها اخسرها عشان تبطل تخاف

ياللي وريت الفؤاد أيام أليمة أنت والفؤاد عالجزمة القديمة..

بلاش تعمل شيخ علي صاحب البار اللي كنت بتسكر عنده

اتعلم الأدب من قليل الأدب

امثال مشهورة بين الناس في الشارع المصري :

اللى اتلسع من الشوربة ينفخ فى الزبادى
لو ليك عند الكلب حاجه قوله يا كلب وتغور الحاجه
اللي بيته من زجاج ميحدفش الناس بالطوب
خيراً تعمل شراً تلقى
ديل الكلب عمره ما يتعدل

قالوا : الجمل طلع النخلة قلنا: آدي الجمل وآدي النخلة.
ياخبر النهارده بفلوس بكره يبقى ببلاش
اللهم طولك ياروح
عشمتني بالحلق خرمت أنا وداني .. لا الحلئ قاني ولا وداني رِقعت من تاني

يقتل القتيل ويمشي في جنازته
ما يجيبها إلا رجالها

من شاف بلاوى الناس هانت عليه بلوته

اقعد عوج واتكلم عدل
أبوك البصل وأمك التوم، منين لك الريحة الحلوة يا مشئوم
الميه تكذب الغطاس

اللي مايشوفش من الغربال يبقي أعمي
احترت انا معاك والطبع فيك غالب , وديل الكلب لن ينعدل ولو علقوا فيه قالب
كل سقطة وليها لقطة
كل فولة وليها كيال
كل عقدة وليها حلال
لامنك، ولا كفاية شرك
إيه رماك على المر، قال اللي أمر منه

امشي عدل يحتار عدوك فيك

طلع من نقرة، وقع في دحديرة
جه يكحلها عماها
أقول له ثور، يقول احلبوه
كل تأخيرة وفيها خيرة

لا تعايرني ولا أعايرك; دا الهم طايلني وطايلك

قالوا للحرامي: احلف قال: جالك الفرج

دخول الحمام مش زي خروجه

يغرك رخصه، وترمي نصه
الغالي تمنه فيه

أمثال من حكايات جدتي المصرية :

بكرة نقعد جنب الحيطة ونسمع الزيطة
مالك يا بخت من بين البخوت لبخت الناس بتمشى فالطين وانا اللى ع الناشف البخت
كتر البكا يعلم الجفا

خنفسة شافت ولادها على الحيط قالت لولي ملضوم بخيط
ما أنيل من زفتى إلا ميت غمر
فيِ ناسٓ معايـه في الوش مراية، وفي القفا سلاية
ان طلع العيب من اهل العيب ميبقاش عيب
ضربت الودع ملقتش ولا صاحب جدع
الله يا دنيا كل حاجة فيكي مقلوبة الحلوة فيكي single والوحشة فيكي مخطوبة .
ما انيل من ستى إلا سيدى
اللى فيه داء مابيبطلوش و ديل الكلب عمره ما ينعدل
يغور اللبن من وش القرد
الله يخليكي يا شدة ياللى تبينى ده من ده
ابعد عن الشر وغنيله
أهي ليلة وفراقها صبح
تبقى في بؤك وتقسم  لغيرك
كل لقمه بتنادي أكّالها
إن كنتوا نسيتوا اللى جرى هاتوا الدفاتر تتقرأ .
قلبي علي ولدي انفطر ….. و قلب ولدي علي حجر
سكتناله دخل بحماره
مسيرك يا ملوخية تيجي تحت المخرطة
اللي عندو قرش و محيروه يجيب فيه حمام و يطيروا
اللي خدته الهانم تاخده مساحة السلالم
اينفعني بعد مماتي. إلي ما هو من ضهرك كل ما جن افرحلو. الغريب لو صح أحسن من ألف أخ.
الفقر مش قلة فلوس الفقر قلة عقل. اللقمة ما تحلا ولا تطيب الا بوجود الحبيب.
جبت سيرة القط طلع ينط.

مش كل مرة، تسلم الجرة
يعملوها الصغار، ويقع فيها الكبار
إدي العيش لخبازه، ولو أكل نصه

قليل الأصل لا تعاتبه ولا تلومه ده زى البقعة لا يطلع برابسو ولا بأومو.

امثال من جدتي عن البنات :

عرق ورا ودني محبش مرات ابني

خنفسة على الحيط ولا بنتين في البيت

يا مخلفة البنات يا شايلة الهم للممات

ابني هو ابني لحتى يتجوز وبنتي هيي بنتي طول العمر.

عرق ورا ودنى محبش مرات ابني

اللي جوزها يقول لها يا عورة تلعب بيها الناس الكورة

الناس خيبتها سب واحد وانا خيبتي ما وردت على حد

الشاطرة تغزل برجل حمار

خد الاصيلة ولو كانت على حصيرة

جت الحزينه تفرح ملقتلهاش مطرح

ابنك زي ما تربيه، وجوزك زي ما تعوديه