كوب من القهوة

كوب من القهوة

اعزائي….حلوووة اعزائي على بالي مثقف في هالصفحة باخذكم معي في جولة الى كذا مكان يختلفون في كل شيء و يجتمعون في وجود خدمة تقديم القهوة على مختلف انواها من قهوة الهيل والتركيش كوفي والكاوبتشينووو وقهوة المسمار ولاانسى ان اشكر شركة( قهوتكم) وكيلة قهوة المر في المملكة العربيه السعوديه على رعايتها لهذه الصفحة….يالله استعدوا للاقلااااع.

1)في احد حواري مدينة الرياض المكان زلفه -للناس الهاي الزلفه يعني درجة واحدة موجودة على جانب جدار البيت الخارجي يجتمع حواليها مجموعة من المراهقين الشيبان يطلطلون على الرايح والجاي وبالذات العجز ست شيبان يشربون قهوة مسمار وسواليف عن النخل والوسمي ونحن في شهر اغسطس المهم(زززززززززز) صوت سيارة ماكسيما جديدة طالعه توها من الوكاله ,ابو صالح يقول من ذا ,يرد عليه ابو ناصر ذا موتر عبدالله ولد ابو عبدالله ابو عتيق عبيد اللي مانشوفه في المسجد معنا ابو صالح يقاطعه المهم وش هو من موتر ابو ابراهيم (88 سنة)والشوف شجر موتر مكسوما والله اعلم انه الماني ابو محمد بكم يجيله ابو ناصر بحوالي ميتين الف والعالم الله ابو صالح وابو ابراهيم وابو عتيق بصوت واحد ميتيييين الف (طخخخخخخ طرررررع) وش الي صار عبدالله صدم وانعدم موتره ابو صالح وهو يشرب قهوته شباااب مسرعيين مستهترين ابو عتيق يبي يغطي على الموضوع الا مادريتوا وش صار على نخل بن علي……

2)المكان جناح في فندق الزمن صباحية اثنين عرسان الساعه 11 صباحا يعين توه الوقت بدري الفطور وصل ومع كوبين تركيش كوفي العريس يناول الكوب للعروس الخجوله وهي على السرير ويقول لها :خذي ياحياتي ياهدية الله لي ترد عليه :ياربي تسلم لي ياحلو كلامك يافيصل ,فيصل يقول الا وش رايك في ليلة امس يالعنووووود. العنوود يحمر وجهها من الخجل بس مو لذيك الدرجة يووه ياسعوود لاتخجلني ترى والله استحي ربي لايخلينيي منك ………بعد3 شهور نفس الاثنين في شقتهم في حجرة النوم الساعه 7 ونص العنووود تصاارخ( لايروح تفكيركم بعيد) سعووود قم يالله باتاخر على الكلية وانت الى الحيين نايم يالله بسرعه وتفتح الستارة سعود يصرخ عنوودووه صكي الستارة الله يحرقك انتي وكليتك ترد عليه:هذا اللي ماخذينه من شلتك امس راجع من الاستراحة الساعه 3 الفجر ونايم زي المقتول يالله وش انا اقووول قممممممممممم سعود يقول في نفسه هذي والله اللي بالعن والديها اذا ما سكتت (طن طب) المخده فوق راسة تمريرة من عنود, يالله اشرب قهوتك اطفحها يالله قمممم وش ذا؟؟؟ سعود يرمي الكوب في الارض الحين يالرفله غدا وماتطبخين زي الناس ولابيض مقلي ولاحتى النسكافيه ترد عليه العنوود وانت ماخذني شغاله وانت وهالوجه خلقة ماحلاها ربي يالله قمممم وبعدين سعود يتمغط ويبتسم ابتسامه صفرا لانه ذكر شي :حياتي اليوم الاربعا ليلتنا !!! ترد علييييه لايا شيخ رح هناك بس الليلة اربعاء يستخف دمه وبعدين بتقوم ولالا يقوم سعود ويرمي المخده على وجهها اجل نومي عند اهلك الليلة لاني باتاخر بارجع مع اذان الفجر ترد عليه العنود احسن بعد انك علمتني باموت عليك انا اذا ماشفتك ليلة …….خلاص نتركهم الحين لاتجينا المخده بعد احنا.

3)المكان 16 كيلو شمالا من وسط الرياض وبالتحديد على طريق القصيم قهوة صديق المون يعني بالانقليزي(القمر فريند) الساعه 12 مساءا بعد مارجعوا واسمحوا لهم بتشغيل الدشوش حوالي 20عشة او جلسة والجو مضبب من الشيش

الجلسة رقم (2) اربعة طلاب 3 ثانوي من ذوي الخبره شباب عندي سؤال الحين اذا نجحنا بتقدير جيد الجامعه ماراح تقبلنا طيب ليه الواحد اذا تخرج من الجامعه بتقدير مقبول ليه احنا نقبلهم في الثانويه.يجون يدرسوننا …..الثاني يرد عليه أي والله لازم يكون في مساواة….

الثالث يقول شباب من جد من جد لازم نشد حيلنا هالسنة الدلخ الرابع يرد عليه ايه يعني وش تبينا نسوي الثالث يقول نقرا الاسئله القديمة الرابع بس ماعندنا اسئله قديمة من وين نجيبها مشوار نروح لمركز خدمات الطالب بصراحة الثالث يتسند على المركا لانه كان منسدح ويشفط له الراس شوي انا عامل حسابي عندي اسئله حقت اولى ثانوي العام وقبل العام نبدا بها.

الجلسة(8):لاتواخذونهم مقلعين من قلب.واحد منهم يقول شباب عندي سؤال الحين الهلال والنصر اذا اندمجوا وش بيصير لونهم ازرق وابيض ولا اصفر وازرق ولا اصفر وازرق وابيض يقاطعهم قصيمي في الجلسة رقم (9) الاصفر وازرق والابيض لون نادي التعاون وش بوه يرد واحد توه واصل القمر من شده اقلاعه :لالالالا يصير لونهم ازرق وابيض واصفر ونادي التعاون يقسمونه الى فريقين ازرق وابيض وازرق واصفر وش رايكم واحد ثالث معهم توه بادي يفكر في العوده من اقلاعه والله فكرة بس انا عندي سؤال الحين اذا سووا في الملعب حكمين وجا لاعب زي ابو يعقوب وجلد الحكم الاول والحكم الثاني مقهور بصراحة من الحكم الاول يعني يجي الثاني ويطرد الاثنين ولا يفزع مع ابو يعقوب ويجلدون الحكم الاول

صرخه قووووووويه ومدووويه من الجلسة البعيده شبااااب سووبر مووفيز بسرعه في قطعه (قطعة=لحمه=بنت حلوة مو حلوة حلوة بس بيضا) على البحر وبعده بخمس دقايق صرخه ثانيه ذا موفي شانيلز بسررررعه اثنيين في …(.من اجل الرقابه) بعدها بربع ساعه بسرعه أي ار تي منوعات …..ههههه لعبت عليكم فيها اعادة لمؤتمر صالح كامل.

الجلسة (13) اثنين شباب ومعهم 3 روس فراوله وتفاح وليمون ,الاول يقول للثاني الحين اذا خلطنا هالروس مع بعض بيطلعون معسل كوكتيل ولا ايش يطلعون يرد عليه خويه لا طبعا يطلعون معسل طبقات …..بس السؤال ليه اليابانيين الى الان ما اخترعوا راس بالكهرب مثل المدخنه ولا الدعوه لكاعة…..كومار هات اثنين شاهي يلعن ابو اليابانييين قاهرينيي.

4)المكان احدى طائرات الخطوط الجويه العربيه السعودية على ارتفاع الفي قدم مقاعد الدرجة الاولى المضيف يقدم فنجال القهوة العربيه لاحد الراكبين لاوالله اللي يميني قبل اللي على يمينه شكرا …..وبدوا يشربون قهوة وبدت السواليف والله قهوتهم ماش تقول شغل حواقه بس التمر وانا اشهد انه زين الثاني يقول له:ايه اكيد هذي عادتهم بس الغريب اول مرة يركبوننا طيارة كبيره مثل هذي العادة من هالطيارات الصغيره الاول لاوش غريبته كل رحلات الرياض جده كذا …الثاني جده وشو جدته …هالطيارة لجده الاول ايه اجل وين تبي تروح ….الثاني حسبي الله عليك وعلى قهوتك انا بروح لعرعر خذ فنجالك ياكابتن ياهيش (هيش= المضيفة )قولي للسواق ينزلني ابي اروح عرعر لابارك الله فيكم ولا في طيارتكم يجي رئيس المضيفين …وش القصة يا اخ ..وشو اخه ابي اروح لعرع ما ابي اروح لجده ركبتوني طيارة غلط ..رئيس المضيفين عفوا بس هذي غلطتك يرد عليه يعني انتم حاطن باب في المطار كاتبين عليه هذا باب عرعر …رئيس المضيفين يهديه اذا وصلنا جده انشالله السعوديه تعطيك تذكرة مجانيه الى عرعر يصرخ الراكب في وجهه انت تفهم مطار عرعر يغلق على صلاة المغرب(يغلق=يعني يسكر)….زنزلوووني لا ابوكم لا ابو طيارتكم.

5)المكان شارع التخصصي كوفي شوب قسم العائلات الزمن الساعه ال11 ظهرا بنات جامعيات مالين الكوفي شوب واسمهم في الجامعه كل واحده وجوالها معها كانه بزرها وكهكه وتليفونات ترن طول الوقت بنروح للطاوله اللي في الزاوية اللي عليها الاربع بنات الجروح نشوف وش يقولون ….(هدى).شفتوا هيفا ….وش فيها ….(المجموعه) انخطبت وااااو من خطبها واحد اسمه بدر ال…. مو قصدنا اسمه بسرعه عطينا رقم جواله ولوحة سيارته نعممه على البنات يمكن واحده تعرفه,(ساره) اما انا يابنات كشفت لكم الجازي ياهي بكاشة بشكل(المجموعه ) كيف وليه سارة :تقول رايحه في الصيف سويسرا وايطاليا وفي الاخير طلعت رايحه لابها (غاده) تنكب شوية قهوه على فستانها قال لك مستغربه(غاده هي بعد لاعبه عليهم قايل لهم انها راحت لندن ولهم بيتين هناك وهي رايحه للباحه اسبوعين) لالا ولا حتى ابها اصلا ابها حليوة فيها شي ينشاف شكلها راحت تبوك (غاده تقول في نفسها اشوى بغينا ننفضح)شوي وتجي سماهير على فكرة سماهير ماكانت معهم كانت على طاولة ثانيه وتقول لهم هاي بنات اسمعوا كلكم مدعوات على ديجي بكرة في بيت اروى يبدا الساعه 10 في الليل اوكيه هذاني بلغتكم مو تقولون بعدين ماعلمتنا (المجموعه)اوكيه بس ناوينها عربي ولا غربي ولا مشكل (سماهير) كله يانظر عيوني انا _ترلم ترلم لملماااا-جوال سماهير يرن ترد عليه هلاا فارس نظر عيوني انا, كيفك وحشتني من يوم كلمتك الساعه عشر …وين احنا لامااقول لك سر يا نظر عيوني انا ,انامعي بنات الحين اكلمك بعد شووووي ااامموواااا-ااااممموا للي مايعرفونها كحه .تك سكرت السماعه يوه فارس طول معي له شهرين معطيته وجه المهم يابنات لاتنسون بكرة وتروح (ليلى)الا يابنات شفتوا راعي الكاديلاك الازرق واااو يهبل بشكل الولد هوووت (هتان) ناويه عليه (ليلى) ليه لا كملي قهوتك بس ترى بنتاخر على محاضر الدكتورة ايمان وياهي ثقيله دم يعني ماكن في سعوديه عندها دكتوراه في علم الاجتماع من امريكا الا هي كل شوي تقول لازم البنت السعوديه تثبت نفسها وقدراتها يعني بالله كيف وش نسوي بعد(هدى)مو كفايه كل شي الان للنساء ولا العوائل يعني زياده عن كذا الاولاد يموتوا يا حرام نيني نينننناااا نيوونونانا- جوال غاده يرن الو هلاا ماما كيفك ويننا ؟؟احنا في الجامعه في استراحة الجامعه اصل عندنا فراغ ياماما ونراجع سوى انا وزميلاتي الا ماما ترى بكرة معزومة على حفله عيدميلاد صاحبتي هدى في الليل قولي للشغاله تكوي الطقم اللي شريته من هارفي نيكلز لندن اوكيه باي ماما…غاده تضحك ليه ماقلتي لها باي يانظر عيوني انا على طريقة سماهير هههههه وتستمر الكهكات……

6)المكان انترنت كافيه في حي الشفا مو انترنت كافيه بمعنى الكلمة يعني 10 اجهزة كمبيوتر على خط واحد و3 بلاي ستيشن واثنين فرفيره (الفرفيره يعني بيبي فوت بول للناس الهاي غصب عني اهلي ادلعهم هم السبونسر) صديق اربع بيبس (بيبس=بيبسي) هذا طارق وهو على احد الاجهزة وفاتح الام أي ار سي واسمه البنت الرايقة بقوة ويكهكه هييييييييه جرريت هالخبل صدق اني بنت عطاني رقم جواله زياد يجي عنده ويطل :خلني اشوف ياطارق أي والله راح فيها هالخبل قل له يطلع لك عند الفيصليه ويلبس جزمات سود وغترة بيضا ومعه ورده صفرا هههههه سعد يصرخ شبااااااب لقينا برووكسي يطمرون عنده يالله حول اسرع افتح الصفحة …………….. يالله وراه بطيء(طارق) المهم انها تنتفتح(سعد) شفت شفت الديسك بسرعه خلني اخزنها وين البيبس يا صديق(طارق)فهد يتصفح في الياهو الله يقلقهم قفلوا كل المواقع عيال اللذين مابقوا شي طارق يقول له تعال سعد يقدر يفتح أي موقع وهم يقلبون في ذاك الموقع ماغيره يتوقف البروكسي يصرخ فهد ماقلت لك خربوة زي العاده ياخي هالمدينه ماكن وراها شغله الا احنا …..زياد على النت ميتنج الحق الحق فرنسيه اتصلت علي وفاتحه الكاميرة تقول لي افتح الكاميرا افتحها ولالا …طارق يقول لها افتحها بس لفها يمين علشان مايبين انك في مقهى انترنت بس بس ما اقوى ما اقوى تصدقون انهااحلى من نجوى كرم ولابسة قصدي مالبست شي والله ولا شي فهد شف تعال شف هذا اللي مايقدرون يسكرونه أي والله ذي مهيب بنت ذي صاروخ اثنين صغار بدا صوتهم يرتفع هيييه انا اكثر منك انا اكثر منك لحظة نسالهم (هذا انا وانتم معي) اكثر منه في ايش ياشاطر اييه اولهم يقول انا الحين عندي 25 ايميل وهو بس 23 سبقته انا اكثر منه الثاني يرد هو والله غشاش الياهو يغش معه مالي دخل المفروض لي 27 ايميل سؤال ياشاطر انت وهو تعرفون انجليزي ولا في احد يراسل لكم ولا مسجلين في نشرات احم احم فكوا خششهم وطقموا تتنيحه نرجع لطارق وشلته هههههههههه الحقوا الدلوخ صاروا اثنين وكل واحد يبرفت لي رقمه ههههههههه ياحليلهم ودي اصدمهم واعلمهم اني ولد فهد يرد عليه لالا انا بجي الحين وباسمي نفسي باسم بنت ونشب نار الغيره بينهم ……على العموم نتركهم الحييين لحظة لحظة سعد يصرخ لقييييت موقع يفتح كل المواقع ابن الكلب سريع مرة فوق العادة فهد يقول له هين بيقفلونه بعد شوي صدق لو انك في مقهى في العليا كان تركوك يلعن ابو الواسطات ياشيخ.

7) المكان قصر واحد من اياهم في شمال الرياض الزمان اسبوع بعد بداية الدراسة وانتهاء الصيف صاحب البيت الشيخ خالد يزوره ولد عمه تركي …..هلاا تركي كيفك استرح نجيب صلح القهوة لعمك تركي ,تركي يساله عساك انبسطت بس في امريكا كيف لوس انجلوس ؟؟؟خالد يرد عليه اووه سعة صدر وفلة حجاج وليالي حمر كثر شعر راسك اما طوني فانا اشهد انه سنافي الولد كل يوم يسوي لي مفاجأة لحظة خلني ادق عليه واشكره واوصيه عليك اذا رحت هناك-تي تي تي تي تي تي تي تي تي تي تي تي تي تي تي تي-مكاملة دوليه لازم طويله ,هلاا طوني كيفك يالغالي يا اخي انت صدق صدق خير صديق في الغربه والله الواحد بعد مجايبك راجع شباب ههههه (الاثنين يضحكون )بس طوني اقول لك شي ولا تزعل ترا البنت اللي جبتها يوم عيد ميلاد ابو اليزيد ايه اللي كانت لابسه بلوفر شبكتها من وراك ههههههه وش رايك فينيي……..شوي طوني يقول لخالد كلام …..هاه وش تقول ياطوني واللي يرحم والديك قل غير ذا الحكي(هذا خالد يحكي ) الله ياخذك على مجايبك يوم فندق روزانا الايرانيه واحنا مرتاحين….تركي يسال خالد عسا ماشر خالد يقول الا الشر بعينه وعلمه تذكر يوم اتصل عليك من هناك واقول لك اني مع بنت رهيبه بس هبلت فيني باصابعها وحركاتها الغريبه تركي يقول ايه اذكر خالد يقول هذيك ماكانت بنت هذيك كانت ولد لابارك الله بطوني ولا فيها تركي يفطس من الضحك وهو يقول لابارك الله فيها ولا فيه ….خالد يالله قم بنا لاقرب مستشفى خلني افحص عقب هالبلوة ………….

8)المكان كوفي شوب في شارع الثلاثين في العليا الزمن الساعه 9 ونص مساءا في وسط الاسبوع ….شباب كشخه وحركات كل واحد معه تركيش كوفي وسيجار مو سيجارة (لعيال الفقر السيجار =سيجارة دبه بنيه) شف شف فيصل يكلم حاتم شف الكاديلاك وش ينزل …آه آه آه ياقلبي تشوفون اللي اشوفه يلتفت فارس واااو والكاديلاك مشى يوم نزلهم واخذين بالكم ايه سجل عندك 3 كروت وعطرهم (يعني طلع 3 كروت للمغازل ورش عليهم طيب) فارس وحاتم وفيصل طلعوا وبقى ممدوح وماجد, ماجد على فكرة يبتسم ويتكلم بشويش حسبته يكلم نفسه اثر معه واحد من هالجوالات الصغار ومعه سماعه واير ليس يعني بدون سلك من امريكا شكله يكلم صاحبته مبسوط وياشر للبناني شكله يبي شي ايه طفايه ماجد وبعدين ارفع صوتك قسما بالله ماني قادر اسمع شي المهم الثلاثي اللي راح رجعوا وعليهم علامات القهر ممدوح يسالهم عسا ماشر وش صار سكروا باب التسجيل (يعني شكلوا بكم) ماجد يضحك لا شكلهم فشلوا في المقابله الشخصيه(ماجد كرهته ما اعرف اذا هو يكلم في التليفون ولالا الله ياخذ اللي اخترع الجوالات الصغيره) فيصل يقول لاتتريق انت واياه الله يرحم ايام اول بس هم دخلوا قسم العائلات قبل مانلحق عليهم حاتم مقهور سمعت الوسطى وش تقول تتكلم عن راعي البي ام اللي مشى من شوي شكله كان يلحقهم من وقت طويل فارس يهدي ربعه عادي ماصار الا الخير الوعد اذا جوا بيطلعون انا اللي قاهرني الاخيرة لابسة عباية استرتش ياعليها بودي اللبناني ومعه مبيض قهوة لماجد شووو بودي ماسترز شو فيكم ياشباب باي اشي تامروني ضحك ممدوح وقال له الكاديلاك اللؤلؤي متعودين يجون هنا اللبناني قال له ايوة اجل كيف هم كل يوم هون ماجد رجع لتليفونه ياناس هالتليفون قاهرني يامن يحطه في يدي وانا اترجمه الى فتافيت صغيره ….المهم شكلهم مطولين قضية اليوم بنات الكاديلاك اللؤلؤي الحين بنروح لطاوله ثانيه في نفس المكان عليها ثلاث شباب الباين عليهم انهم سيكوند ايديشون(second edetion=سياحي) بس مانبي نجرح مشاعرهم نايف يقول لهم بشويش يعني ودي اعرف وشلون انهبلت وطعتكم وكيف انهبلتوا وجبتونا هنا حمد يرد عليه برستيج يانايف برستيج يعني ملاحقين الصالون من طريق الملك فهد ويوم وقفوا هنا ندحدحر مابقى الا نكتب لهم وارد حي السويدي احسن عمار يقاطعهم وكل حديثهم بشويش يقول مو مشكله بس المهم الان كيف نحجم خسايرنا اما البنات يتركون هالشباب اللي زي الورد وسيارات بي ام وشبحات وفياجرا ولكازس ويلتفون لثلاث شيف معهم كابرس صابونه لاوحق ابو واحد مننا تغافل ابوه وقال له بروح اصور دفتر خويي نايف يقول لهم بشويش كل واحد يطلع الفلوس اللي معه ويعطينياها من تحت الطاوله علشان ما احد ينتبه عمار يقول ابوي ماعطاني الا خمسة ريال للتصوير ومعي عشره ريال من قبل حمد يقول معي خمسين اعطتني اياها اختي علشان اشتري لها لبن وحفايظ لبنتها نايف يصرخ فيهم وبشويش بعدين ياخي, اختك بعدين تفهمها الوضع ولا ودك ننفضح الحين قدام خلق الله ….شوي شوي جمعوا الفلوس قال عمار يالله ندفع الحساب ونمشي حمد يقاطعه طيب واللي كانوا في الصالون نايف يجره مع ياقته يعني كانك بتاكل عيش مع ذولي قم بس قامت اعصابك…وفعلاا طلعوا ….بس لحظة شكلهم رجعوا مرة ثانيه خلونا نشوف وش وراهم…نايف يقول للي في الكوفي الشوب شباب من راعي السيارة الرماديه(اودي بس توها ماوصلت للسويدي)البناني يقول له سيارة شو حبيبي عمار يقول له الوزة اللي ساده على الكابرس الصابونه ….شكلهم راعين طويله محد عبرهم وانتظروا ساعتين….

9)المكان ديوانيه ام صلاح الزمان ساعه عصريه على مغربيه يعني مدري وشلون اوصفه لكم ام صلاح مستقبله جاراتها حصة وام احمد وام سامي وزوجة الاستاذ منّاع المكونات(شاهي+قهوة+مكسرات+كيك+بسكويت) على فكرة كانت الجمعه نفسها امس في بيت زوجة الاستاذ منّاع يعني حريم فاضيات…ام صلاح شفتوا وش سوا جارنا ابو منصور اللي مايستحي ولا ينتخي…هوووهوو (بصوت جماعي )وش سوا الله يقطع نسله ..ام صلاح تكمل تزوج على مريته يوم مرضت شوي وياليته خذ بنت اصل وناس الا قطعة هنديه مالت عليه من رجال …ام احمد تعقب عليها أي والله صدز انه رجل ماعنده شيمة ولانخوه تدرون انه والله يكافينا الشر يشرب تتن ..هوو هوو(بصوت جماعي) يتتن …ام احمد تواصل ايه يتتن …زوجة الاستاذ منّاع تدلي بدلوها ماعلينا من الناس الله يجازي مخاليقة الا شفتوا ليلوةة بنت ابو ابراهيم اللي بيتهم في راس العاير(العاير=اول الحارة حسب ماورد في القاموس المحيط)جاب لها ابوها واسطة من الامير اللي يشتغل عنده ولا راحت صامطة عينت في الرياض في المربع …ام سامي وصوت العلكة وهو يطرقع في حلقها دنيا ماصارت تمشي الا بالواسطة اللهم لا اعتراض…روان بنت حصة جت لامها بشويش يمّه يمّه ممكن اروح العب مع بشاير بنت ام صلاح في حجرتها ..ايه روحي العبي وانا امتس بس لاتخربون طيب…رجعوا الحريّم للسواليف شوي شوي (طررر طخخخخخ كسركركرركركر) يعني في اشياء تكسرت الحريم بنفس واحد يادافع البلاا وش صار الشغاله تجي لام صلاح …ماما هذا بساير وفي بنت ساغير في كسر مزهريه في مزلس رزال ام صلاح تغير لون وجهها …حصة في حركة مباغته للتمويه اما طقم البيلات حقتس يام صلاح يجنن من وين شاريتوه (حصة =قصيميه) وتعقيب اروع من ام احمد لا ولا الكاجو والفسيق صدز شي ماصار دلي علمينا اذا رحتي تتسوقين نروح معتس زين………

ونترك الحريم الحيييييييين.

الحين يالله عن اذنكم جا دوري (الوقت =المغرب) المكان صاله بيتنا اللي تحت موعد القهوة المعتادة بروح ارتز بين جميل وبثينه(امي وابوي) بعد ماتزوجوا اخواني صرت بينهم كاني عذول وابوي كل يوم حافظ له قصيدة يجني يردح بها لامي ياونتي ونتيها عليس يا……..اسم امي عيب

المهم يالله اتمنى انكم تكونون استمتعم معنا في هالجولة القصيرة ……بااااااااااااي خلوني اشوفكم ……بلاك هورس