القرص الفلاحي الطرية بالعجوة والسكر
القرص الفلاحى لا يعلى عليها ، نكهة وطعم مافيش زيه، والقرص الفلاحى كلنا بنحبها ونفسنا نعملها فى البيت لأسرتنا وأطفالنا، لذلك نقدم لكم طريقتين للقرص الفلاحي بخطوات سهلة وبسيطة .
القرص الطريه بالسكر والقرفه
المقادير
- 5 كوب دقيق
- كوب حليب
- ¼ كوب ماء
- 3 ملعقة زيت
- 4 ملعقة زبدة
- 3 ملعقة قشطة
- 2 ملعقة زبادي
- 2 ملعقة سكر
- 2 ملعقة سمسم محمص
- ملعقة صغيرة ملح
- قطعة خميرة طرية بحجم حبة عين الجمل أو أقل
للحشوة
- 5 ملعقة أكل سكر
- ملعقة أكل أو 1 و ½ ملعقة قرفة
للوجه
- 4 ملعقة سمسم
- 2 ملعقة سكر
- ½ ملعقة زيت
طريقة عمل القرص الطريه بالسكر والقرفه
- تذوب الخميرة مع ملعقة سكر في الماء الدافئ وتغطى وتترك جانبا لتتتضاعف
- ويخلط الزبادى مع المكونات السائلة (الزيت والزبدة والقشطة والحليب) وتدفأ قليلا على النار.
- تخلط المكونات الجافة (الدقيق والملح وملعقة سكر والسمسم) + خليط المكونات السائلة وتعجن + الخميرة وتعجن حتى نحصل على عجينة طرية ملساء تلتصق باليد تغطى وتترك في مكان دافئ لتخمر وتتضاعف لمدة ساعه
- تؤخذ قطع من العجين وتحشى بخليط القرفة والسكر وتغلق جيدا وتكور وتمسك من مكان الغلق ويضغط وجهها في خليط السمسم والسكر
- وترص في صينية الفرن و تترك ترتاح ساعة في فرن دافي وتخبز فى فرن بدرجة 180 لمدة 20 – 25 دقيقة
- ثم تخرج وتقدم وبالف هنا.
القرص الفلاحي الطرية بالعجوة
المقادير
- نصف كيلو حليب
- كيلو دقيق
- ربع كيلو سمنه
- علبه قشطه
- معقتين كبيره خميره
- معلقه كبيره سكر
الحشو
- 1/2كيلو تمر
- معلقة سمسم
- 2.5 معلقة معلقه زبده
طريقة عمل القرص الفلاحي الطرية بالعجوة
- نضع الدقيق في طبق العجين ثم نضع عليه السكر والسمسم والملح والخميرة ونقلبهم مع بعض
- نسيح السمنه ونزلهم على الدقيق ونعجنهم مع بعض
- نضيف القشطه ويستمر العجن باضافه الحليب والقشطه حتى تبقى عجينه ناعمه و طريه ومتمسكش فى ايديك وتتركيها تخمر في مكان دافى لمدة ساعة وطبعا تكونى محضره العجوه.
- نعجن التمر مع السمسم والزبدة وتقسميها كور صغيرة اد حبه عين الجمل، ثم نقطع العجينه كور متوسطه وتحطى العجوه
- وتبططى على شكل دائره وتسيبها ترفع لمدة ساعة وتخبزيها فى فرن متوسط الحرارة لغاية ماتحمر
- ثم تخرج، وتأكليها انتى وأسرتك وبألف هنا وشفا.