طريقة التسجيل في دله لتعليم القيادة للنساء
متطلبات التسجيل
الاشياء المطلبوه 3 صور 4×6 وملف علاقي وصورة لبطاقه الاحوال تروحين لهم بيعطونك اوراق كشف طبي بالنسبه للدمام بيقولك الدم بالمركزي والنظر باللياقه الطبيه المهم تروحين تسويين فحص اذا فصيلتك A+ ما اعتقد بيخلونك تتبرع انا ما تبرعت
وبعدين تروحين لفحص النظر [ نصيحه اذا تلبسين نظاره وتقدرين تشوفين بدونها لا تلبسينها قدامهم ] ، انا رحت بدون نظاره وسألوني صدق الصغيره صعب تحدد اتجاهها بس الحمدلله كتبولي 66 ، بعدين ترجعين لهم بيقولك روحي مدرسه القياده في نفس المبنى هي تروحين لها تعطيهم ملفك اذا انت فوق 18 وبتطلع خصوصي بيطلب منك 100 ريال. تدفع وبيقولك الدرس العصر الساعة 5 [ في درس الصباح بس مدري متى ]
درس عن الاشارات والميكانيكا بس حسب المدرس احنا قعد يسولف وعطانا اجوبة اختبار الكمبيوتر
بعدها تروحين درس في الميدان يوريك كيف توقف السيارة بالريوس [ انتبهي للدرس زين وشوفي مسار السيارة لانك لو دعستي الخط حق المسار غلط ] وبيقولك تعالي بكره الصبح اختبري
اذا عندك سيارة صغيره روحي اختبري فيها اذا ما عندك اختبري بسياراتهم بس ترين زحمة عليها ، اثناء الاختبار لا تفوتي لفه الا بإشارة وخلك رابط الحزام وانتبهي للاسهم المرسومه في الارض ، اختبري بسيارة اوتو اذا بتاخذ معاك سيارة اعتقد ما يدققون لكن خذلك كم درس على العادي وسوقها عشان لو اضطريت تكوني عارفه لها.
